Aftësitë e kufizuara dhe mirësia sovrane e Perëndisë

Duke qenë përmbledhje predikimesh nga John Piper-i, ky libër trajton si shkaqet, ashtu edhe qëllimet e aftësive të kufizuara. Disa nga pyetjet që trajtohen janë “Pse unë apo një i afërmi im kemi një aftësi të kufizuar?” dhe “Pse unë apo një i afërmi im i dashur nuk jemi shëruar nga një aftësi e kufizuar?”. Ky libër i shkurtër gjen përgjigje bindëse në Shkrimet e Shenjta dhe siguron udhëzime frymëzuese se si të jetosh me aftësitë e kufizuara.

Aftësitë e kufizuara ngrenë disa prej pyetjeve më themelore në lidhje me mirësinë dhe sovranitetin e Perëndisë, me të cilat do të përballet ndonjëherë një pastor. Shpesh pyetje të tilla ngrihen nga njerëz që po përjetojnë një vuajtje të madhe.

A ka Perëndia një plan të mirë në aftësinë time të kufizuar?

Perëndia nuk qëndron i heshtur para kësaj pyetjeje të vështirë. Mirëpo, për ta dëgjuar atë, ne duhet t’i nënshtrojmë zemrat tona ndaj Fjalës së tij dhe të mësojmë prej tij. Ky është qëllimi i kësaj përmbledhjeje predikimesh dhe intervistash nga shërbesa e John Piper-it.